Нахлҳои    гулбасар   дорем   мо,

Боғҳои  пурсамар  дорем  мо .

Рӯзгоре   чун  шакар  дорем  мо,

Шодӣ  аз  пайки  зафар  дорем  мо.

Ҳар  даму  ҳар  рӯзи  мо  Наврӯзи  мост,

Ин  нишони  қисмати  фирӯзи   мост.

Кишвари  мо  кишвари  доим баҳор,

Сарзамини хоку сангаш   обдор.

Об байни  сабзаву  себаргазор,

Осмонаш чун дили мо беғубор.

Чор фасли мулки мо Наврӯзи мост,

Мужда аз ояндаи фирӯзи мост.

Парчами мо аз ҳама бошад баланд,

Бар ҳама бошад нишони мо писанд.

Мо ба фикри неки фардоем банд,

Банди фикри ин диёри арҷманд.

Ин ҳама осор аз Наврӯзи мост,

Мужда аз ояндаи фирӯзи мост.          

                                                             Муҳаммад Ғоиб- шоир