Дар ташкилоти ибтидоии ҳизбии “Бахши фарҳанг”-и ноҳияи Балҷувон  маҷлиси ҳисоботӣ - интихоботӣ гузаронида шуд. Дар рафти баргузории маҷлис Раиси Кумитаи иҷроияи ҲХДТ дар ноҳияи Балҷувон М. Зоирзода,  мудири шуъбаи молия, сармуҳосиби Кумитаи иҷроия Қурбонов Носирҷон иштирок намуданд. Тибқи тартиби баргузорӣ, маҷлис шаш масъаларо дар бар мегирад.

1. Ҳисоботи ташкилоти ибтидоии ҳизбӣ оид ба ҷамъбасти натиҷаҳои фаъолият дар давраи аз моҳи июни соли 2022 то моҳи июни соли 2023 ва вазифаҳо барои давраи оянда;  
2. Ба роҳбари гирифтани Қарори Раёсати Кумитаи Иҷроияи Марказии  ҲХДТ аз 25 майи соли 2023 “Дар бораи омодагӣ ва сазовор таҷлили намудани ҷашни 30 – солагии Ҳизби Халқии Демократии Тоҷикистон”;
3. Интихоби аъзои Раёсати ташкилоти ибтидоии ҳизб (ташкилотҳое, ки аз 30 – нафар боло аъзои ҳизб доранд);
4. Интихоби раиси ташкилоти ибтидоии ҳизбӣ;
5. Интихоби муовини раиси ташкилоти ибтидоии ҳизбӣ (ташкилотҳое, ки аз 30 – нафар боло аъзои ҳизб доранд);
6. Қабул ба сафи аъзои ҲХДТ.

Аз рӯи масъалаи якум ҳисоботӣ  муовини раиси ташкилоти ибтидоии ҳизбии “Бахши фарҳанг” Талбзода А. шунида шуда иброз намуд, ки дар давраи ҳисоботї шумораи аъзои ҲХДТ дар ташкилот афзоиш ёфта, ба масъалаи ҳайати сифатии аъзои ҲХДТ таваљљуҳ зоҳир шудааст. Аъзоёни ташкилоти ибтидоии  ҳизбии мазкур  дар баргузории чорабиниҳо фаъолона инштирок намуда, барои дар сатҳи баланди сиёсї баргузор шудани чорабинҳо саҳми арзандаи  худро гузошта истодаанд.

Дар пеш аъзо, фаъолон ва ҷонибдорони ташкилоти ибтидоии ҳизбии номбурда 26-солагии Ваҳдати миллиро таҷлил менамояд, ки мо бо итминони комил гуфта метавонем, ки баҳри фароғати сокинону меҳмонон чорабиниҳои дар сатҳи баланди фарҳангиро пешкаш менамоем, иброз намуд раиси ташкилоти ибтидоии ҳизбии “Бахши фарҳанг”.