Дар асоси ҷадвали тасдиқнамудаи Кумитаи иҷроияи ҲХДТ дар вилояти Хатлон, санаи 27.04.2024 дар муассисаҳои таълимии ноҳияи Кӯшониён, Аксияи муштараки ҳизбии "Соати сиёсӣ" баргузор гардид. Тазаккур бояд, ки иқдоми мазкур бо ташаббуси Кумитаи иҷроияи ҲХДТ дар вилояти Хатлон дар якҷоягӣ бо Раёсати маорифи вилояти Хатлон амалӣ гардонида мешавад. Чунин чорабиниҳо барои баланд бардоштани, ҳисси ватандӯстии хонандагону ҷавонон, ҳувияти миллӣ, баланд бардоштани сатҳи таълиму тарбия, ҷалби ҷавонон ба корҳои созандагию бунёдкорӣ таъсири хеле мусбат мерасонад. Ин навбат мавзӯи дарсҳо "Тоҷикистонро ба кишвари сабз табдил медиҳем"  "Вазъи сиёсии Тоҷикистон ва ҷаҳон дар моҳи апрел "  "Тарбияи ҷавонон дар рӯҳияи Ватандӯстӣ" мавриди суҳбату баррасӣ қарор дода шуд. Чунин ташаббус дар муассисаи таълимии №5-и ташкилоти ибтидоии ҳизбии “Маорифчиён” баргузор карда шуд.Зимни баргузории Соати сиёсӣ бо хонандагони синфҳои 10-11, таъкид карда шуд, ки ҳар яки мо масъул мебошем ки дар ободонии маҳалли худ ва сарсабзу хуррамгардонии ватани азизи худ саҳмгузор бошем.