“Ҳизби Халқии Демократии Тоҷикистон чун ҳизбе, ки ҳақиқату адолатро маҳаки фаъолияти худ қарор додааст, талош мекунад, ки дар заминаи дастёбӣ ба рушди устувори иқтисодии кишвар зиндагии мардум боз ҳам беҳтару осудатар гардонида шавад”.
Соли дуюм аст, ки дар асоси дастуру супоришҳои Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон дар ҳамаи шаҳру ноҳияҳои ҷумҳурӣ барои оилаҳои ниёзманд, маъюбону бепарасторон ва шахсони яккаву танҳо нафақаи ҳизбӣ дода мешавад.
Воқеан, иқдоми мазкур барои беҳбудии шароити зиндгонии ин қишри ҷомеа мусоидат карда, ҷиҳати ноил шудан ба зиндагии шоиста замина мегузорад. Нафақаи ҳизбӣ дар ноҳияи Абдураҳмони Ҷомӣ низ роҳандозӣ гардида, он аз ҷониби масъули Кумиҷроияи ноҳиявии Ҳизби Халқии Демократии Тоҷикистон Раҷабалӣ Назаралӣ ба як тан оилаи ниёзманд Солиева Гулру нафақаи ҳизби дар ҳаҷми 500 – сомони расонида шуд.
Бояд гуфт, ки дар арафаи таҷлили ҷашнҳои бузурги миллӣ, ки ҷавҳараш тараннуми накӯкорӣ аст, роҳандозӣ шудани иқдоми мазкур руҳияи ин қишри ҷомеаро болида сохта, онҳоро ба ҳаёти рӯзмарра боз ҳам дилгарм намуд.
Воқеан мақсади асосии Ҳизби Халқии Демократии Тоҷикистон фароҳам овардани шароити мусоид барои зиндагии шоиста, таъмини ҳифзи иҷтимоӣ, фароҳам овардани заминаҳо барои таҳкими неру ва қобилияти ҳар як шаҳрванд мебошад.
Суратгузориш аз ҷараёни дастрас намудани нафақаи ҳизбӣ:
Шӯъбаи таблиғот ва иттилооти
КИ ҲХДТ дар н. Абдураҳмони Ҷомӣ
