Дар ташкилоти ибтидоии ҳизбии «Сомониён» бо иштироки мудири шуъбаи таблиғот, иттилоот ва матбуоти КИ ҲХДТ дар шаҳри Кӯлоб Зулфов Муҳаммадҷон  ва дигар шахсиятҳои расмӣ, чорабинии тантанавӣ бахшида ба «Рӯзи Парчами давлатии Ҷумҳурии Тоҷикистон» баргузор гардид.

Дар баргузории чорабинии тантанавӣ мудири шуъбаи таблиғот, иттилоот ва матбуоти КИ ҲХДТ дар шаҳри Кӯлоб Зулфов Муҳаммадҷон бо мақсади дар сатҳи баланди сиёсиву фарҳанги баргузор намудани «Рӯзи Парчами давлатии Ҷумҳурии Тоҷикистон», баромад намуда қайд намуд, ки Парчами давлатии Тоҷикистон рамзи Истиқлолияти давлатии Ҷумҳурии Тоҷикистон, дӯстиву бародарии ҳамаи миллатҳои он ба шумор меравад. Ин рамзи давлатӣ шаҳрвандонро ба зиндагии ором, сулҳу осоиш ва талош ба хотири ҳаёти арзанда, рушду нумӯи ҳаматарафа ва соҳибихтиёрию соҳибдавлатӣ сафарбар менамояд.

Аз ин рӯ, бо қарори Маҷлиси намояндагони Маҷлиси Олии Ҷумҳурии Тоҷикистон аз ин ба баъд ҳамасола 24 ноябр ҳамчун Рӯзи Парчами давлатии мамлакат таҷлил карда мешавад.

Бояд қайд кард, ки бахшида ба «Рӯзи Парчами давлатии Ҷумҳурии Тоҷикистон» ба як қатор фаъолон бо сипоснома қадрдонӣ карда шуданд.