ТАЪСИСИ ТАШКИЛОТИ ИБТИДОИИ ҲИЗБӢ ДАР ШАҲРИ КӮЛОБ БО МАРОМ ИДОМА ДОРАД.
Дар асоси санадҳои меъёрӣ-ҳуқуқӣ вобаста ба фаъолияти ҳизбҳои сиёсӣ, Оинномаи Ҳизби Халқии Демократии Тоҷикистон ва нақша – чорабиниҳои Кумитаи иҷроияи ҲХДТ дар шаҳри Кӯлоб ва дархости шаҳрвандон ҷиҳати аъзо шудан ба ҲХДТ, таъсиси ташкилотҳои ибтидоии ҳизбӣ, бо иштироки раиси Кумитаи иҷроияи Ҳизби Халқии Демократии Тоҷикистон дар шаҳри Кӯлоб Сайвализода Салим дар “Муассисаи давлатии мактаби варзишии шаҳри Кӯлоб” маҷлиси муассисон баргузор гардид. Нахуст, раиси Кумитаи иҷроияи Ҳизби Халқии Демократии Тоҷикистон дар шаҳри Кӯлоб иштирокчиёни маҷлисро бо рӯзномаи ҷаласа шинос намуда, бо овоздиҳии иштирокдорон онро тасдиқ намуд. Зикр гардид, ки дар асоси моддаи 4.2-и Оинномаи Ҳизби Халқии Демократии Тоҷикистон дар ҳолати ба қайд гирифтани 5 нафар аъзои ҳизб дар муассисаву корхонаҳо ва метавон ташкилоти ибтидоии ҳизбӣ таъсис дод. Оид ба ин масъала иштирокчиён баромад карда, пешниҳоди мазкурро дастгирӣ намуданд.
Дар идомаи маҷлиси муассисон ташкилоти ибтидоии ҳизбӣ бо номи "ТОҶИКИСТОН БА ПЕШ" таъсис дода шуд. Ҳамзамон, бо дастгирии аъзои ҳизб Абдулоев Ҳасан раиси ташкилоти ибтидоии ҳизбии мазкур интихоб гардид. Дар идома аз ҷониби раиси Кумитаи иҷроияи Ҳизби Халқии Демократии Тоҷикистон дар шаҳри Кӯлоб дар вазъияти тантанавӣ шаҳодатномаҳои ҳизбӣ ба нафарони нав ба сафи ҳизб шомилшуда супорида шуд. Оид ба масъалаҳои мазкур қарорҳои дахлдор кабул карда шуда, ба Кумитаи иҷроия пешниҳод мегардад. Сипас, аз ҷониби раиси Кумита иҷроия Сайвализода Салим масъалаҳои зерин баррасӣ карда шуданд: сазовор пешвоз гирифтани 30-солагии таъсисёбии ҲХДТ, мусоидат дар сафарбаркунии ҷавонон ба хизмати “Модар-Ватан”, пешгирии ҷавонон аз гуруҳҳои ифротгаро ва терористӣ, вусъати корҳои созандагиву бунёдкорӣ ва поккорӣ дар доираи аксияҳои ҳизбии “Якҷоя месозем!”; эълони ҷойи кор дар НБО “Роғун”; самаранок истифодаи заминҳои наздиҳавлигӣ, хоҷагиҳои деҳқонӣ ва дигар масъалаҳои мубрами рӯз. Дар охир аъзои ташкилоти ибтидоии ҳизбии навтаъсиси “ТОҶИКИСТОН БА ПЕШ” ваъда доданд, ки дар корҳои ҳизбӣ фаъолона иштирок намуда, дар пешрафти фаъолияти ҳизбӣ саҳмгузорӣ менамоянд.
