Пулсозӣ ва ё барқарор намудани пулҳои миёни деҳаҳо имрӯз ҳамчун иқдоми созандагӣ пазируфта шуда, ин иқдом ҳамарӯза амалӣ карда мешавад. Аксияи таблиғотию ташфиқотии ҳизбӣ зери унвони "Якҷоя месозем!" тайи чанд сол аст, ки миёни мардуми созандаву бунёдкори ноҳияи Ёвон ҳамовозии зиёде касб намудааст. Ҳизбиёни ноҳия назар ба солҳои қабли  татбиқи Аксияи мазкурро дар соли равон  ҷиддӣ ба роҳ монда, ба истиқболи ҷашни 35 солагии Истиқлолияти давлатии Ҷумҳурии Тоҷикистон ва дар доираи сиёсати созандаи Пешвои миллат, Раиси маҳбуби ҲХДТ муҳтарам Эмомалӣ Раҳмон ба роҳ мондаанд. Чунин як иқдоми созандагӣ дар доираи Аксияи ҳизбӣ зери унвони "Якҷоя месозем!" дар ташкилоти ибтидоии Чойхонаи деҳаи Навободи  Ҷамоати деҳоти Ситораи Сурх роҳандозӣ карда шуд, ки дар доираи он пули поёнии деҳаи мазкур ба масофаи 12 метр азнавсозӣ карда шуд. Иқдоми сокинони деҳаро ҳизбиёни ноҳия шоистаи аҳсанҳо қарор доданд.