“Имрўз терроризм ва экстремизм ҳамчун вабои аср ба амнияти ҷаҳон ва ҳар як сокини саайёра таҳдид карда, барои башарият хатари на камтар аз силоҳи ядроиро ба миён овардааст” . Э . Раҳмон
Яке аз зуҳуроти, ки дар ҷаҳони муосир ба проблемаи глобалӣ табдил ёфтааст, терроризм ва экстремизми байналмиллалӣ мебошад. Пурра собит шудааст, ки ҳадафи аслии ҳодисаҳои фоҷиабори Афғонистону Ироқу Сурия ва як қатор кишварҳои аврупои, пеш аз ҳама, даъватҳои зиддидавлатию зиддиинсонии ташкилотҳои террористию экстремистӣ буда, суботи сиёсӣ, ҳаёти осоиштаи шаҳрвандон ва амнияту якпорчагии кишварҳоро зери хатар мегузоранд.
Ин падида дар минтақаҳои гуногуни ҷаҳон доман паҳн карда, сарфи назар аз тадбирҳои солҳои охир дар бахши мубориза бо террроризм андешидашуда таҳдиди амалҳои нави террористӣ ташкилоту созмонҳои маблағгузории онҳо ба мушоҳида мерасад. Ҳамасола дар ҷаҳон бо мақсади содир намудани амалҳои террористӣ дар маҷмўъ аз 5 то 20 миллиард доллар сарф мегардад.
Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханрониҳои хеш дар ҳамоишҳои сатҳи баланди ҷаҳонӣ иброз доштанд, ки “Имрўз ҳамаи мо мушоҳиди рўйдоду воқеаҳои даҳшатноку фоҷиаборе мебошем, ки дар гўшаи гуногуни ҷаҳон идома доранд. Тавсеаи миқёси терроризм ва ифротгароӣ, ҷангу низоъҳои мусаллаҳонаи мазҳабӣ ҷинояткории муташаккили фаромиллӣ ва гардиши маводи мухаддир ба амнияти кишварҳои мо хатари ҷиддӣ эҷод карда истодааст. Ҳоло фаолшавии гуруҳҳои террористиву ифротгаро ва дигар ҷунбишҳои иртиҷои дар нуқтаҳои доғи ҷаҳон амнияти тамоми мардуми сайёраро зери хатар қарор додааст” .
Мубориза бар зидди терроризму экстремизм ва дигар таҳдидҳои замони муосир яке аз самтҳои муҳими фаолияти Ҳукумати Ҷумҳурии Тоҷикистон ва сиёсати дохиливу хориҷии он мебошад. Бояд ёдовар шуд, ки 3-4 майи соли 2018 дар шаҳри Душанбе бо ташаббуси Ҳукумати Ҷумҳурии Тоҷикистон ва мушорикати СММ, САҲА ва Иттиҳоди Аврупо Конференсия байналмиллалии сатҳи баланд таҳти унвони “Муқовимат ба терроризм ва ифротгароии хушунатомез” бо ширкати беш аз 400 иштироккунанда аз 48 кишвари дунё ва 31 созмони байналмиллаливу минтақавӣ баргузор гардид ва роҳи ҳалли пешгириву мубориза бо ин омилҳоро баррасӣ намуданд, ки ин иқдом низ шаҳодат бар тадбирҳои пайвасиаи андешидашудаи ҷониби Ҷумҳурии Тоҷикистон дар самти мубориза алайҳи терроризму экстремизм мебошад.
Дар ин Конференсияи сатҳи баланд Асосгузори сулҳу ваҳдати миллӣ, Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар суханронии худ оид ба вазъи имрўзаи бархе аз мамлакатҳо, ки дар он ҷо терроризму экстремизм реша давондааст, бо изҳори нигаронӣ чунин гуфтаанд: “Бо назардошти воқеияти мавҷуда, мо дар сатҳи минтақа ва ҷаҳон пурзўр кардани ҳамкориву шарикиро барои таъмину суботи амнияти фарогир тавассути анддешидани иқдомҳои муштарак дар ҷодаи мубориза бо терроризму ифротгарои ва аз байн бурдани омилҳои дастгирии сиёсӣ, низоми ва молиявии онҳо ҳамчун самти амалии раҳой аз ин вартаи хатарнок муҳим арзёбӣ мекунем”.
Аз ин рў ҳар фарди ҷомеаро зарур аст, ки аз оқибатҳои нангини ин зуҳурот бохабар буда, бар зидди терроризму ифротгароӣ муқоввимат намоянд. Мардуми шарифи Тоҷикистон ва ҷавононро зарур аст, ки ҳар як ваҷаби хоки аҷдодии кишвари азизамонро ҳифз намоянд ва барои мубориза алайҳи терроризму экстремизм бо роҳу усулҳои самарабахш омода бошанд.
Дар тамоми вазъу ҳолат шаҳрвандони ин марзу буми муқаддас ҳушёрӣ ва зиракии сиёсии худро аз даст надиҳем ва доимо пайрави мактаби бузурги сиёсии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бошем.
Мудири бахши кор бо ҷавонони КИ ҲХДТ дар ноҳияи Вахш Сафаров Ф.
