ЗАН БОЯД ҲУНАРМАНД БОШАД

Кушониён: Андеша  

Ҳунар сармояи гаронбаҳоест, ки онро бо ягон дороӣ, сарват, симу зар иваз кардану харидан номумкин аст. Ҳунар инсонро бузургию шаҳомат бахшидаӯро болидаруҳ мегардонад. Ҳунар зиндагиро зебоӣ мебахшад. Шахси боҳунар дарахти босамареро мемонад, ки меваҳои болаззат ба бор меорад.

Дар партави дастуру супоришҳои Пешвои миллат, Президенти Ҷумурии Тоҷикистон муҳтарам Эмомалӣ Раҳмон дар шаҳри Хуҷанд ҳар як оила ба масъалаи истифодабарии оқилонаи қитъаи заминҳои наздиҳавлигӣ ва омодагӣ ба давраи зимистон аҳамияти ҷиддӣ зоҳир намуда, аз меваю сабзавот шарбату хуриш омода намуда истодаанд. Айни замон намудҳои гуногуни сабзавот, аз  ҷумла картошка, сабзӣ, шалғам, карам, маҳсулоти донагӣ: лубиё, мош, биринҷ, нахуд ва орду равған фаровон захира гардида, ҳар як оила зиёда аз 300 банка  онсерва маҳкам кардааст.

Занони  ҳунарманди Ҷумҳурии Тоҷикистон, ки ба оғози фаъолияти ҳунармандияшон гранти Президенти Ҷумҳурии Тоҷикистон заминаи воқеӣ гузоштааст, дар нашрияи Агентии Иёлоти  Муттаҳидаи Амрико оид ба рушди байналмилалӣ (USAID) USAID Tajikistan таҳти унвони «Занони ҳунарманди Осиёи Марказӣ» муаррифӣ шудаанд. Дар ин хусус АМИТ «Ховар» бо истинод ба Кумитаи кор бо занон ва оилаи назди Ҳукумати Ҷумҳурии Тоҷикистон хабар медиҳад.

Агентии Иёлоти  Муттаҳидаи Амрико оид ба рушди байналмилалӣ (USAID)  ба таври расмӣ нашрияи рақамӣ ва чопиро таҳти унвони «Занони ҳунарманди Осиёи Марказӣ: Саёҳат дар байни маҷмуи тасвири ҳунарҳо» оғоз намуд. Дар ин маҷмуа ашёи аҷибе оварда шудаанд, ки аз ҷониби 50 зани ҳунарманди Осиёи Марказӣ аз Тоҷикистон, Қазоқистон, Қирғизистон,  Туркманистон ва Узбекистон истеҳсол шудаанд. Ин  иқдом  ҳунари барҷастаи онҳоро ба ҷаҳониён нишон медиҳад ва ба онҳо имконияти нави тиҷоратиро мекушояд.

Бояд гуфт, ки бо ташаббус ва дастгириҳои Пешвои миллат муҳтарам Эмомалӣ Раҳмон ҳунарҳои мардумӣ дар Тоҷикистон рушд намуда, эълон гардидани соли 2018 Соли рушди сайёҳӣ ва ҳунарҳои мардумӣ, солҳои 2019-2021- Солҳои рушди деҳот, сайёҳӣ ва ҳунарҳои мардумӣ ва солҳои 2022-2026 -Солҳои рушди саноат, қабул гардидани Барномаи рушди ҳунармандӣ дар Ҷумҳурии Тоҷикистон барои солҳои 2021-2025, инчунин аз пардохти андоз аз маҳсулоти дар хона истеҳсолшуда озод намудани ҳунармандон натиҷаҳои сиёсати хирадмандонаи Сарвари давлат мебошанд.

Ҳунармандони моҳири тоҷик дар ҳама давру замон усулҳои бадеиву техникӣ, наққошӣ, бофандагиву дӯзандагӣ, анъанаҳои касбӣ ва нозукиҳои ҳунарро ба вуҷуд оварда, онҳоро ҳифз намуда, ба шогирдон ва наслҳои оянда интиқол медоданд, ки ин ба пешрафти зиндагиашон мусоидат менамуд.

Инчунин ҳунарҳои қадимии ниёгонамон тавассути сулолаҳои ҳунармандон аз насл ба насл гузашта, то замони мо расидаанд. Ҳунарҳои мардумӣ барои наслҳо сарчашмаи зебоӣ, рамзи таърихӣ, ифтихор ва ҳувият буда, мероси ғанӣ ва анъанаҳои ҷомеаро ташаккул медиҳанд. Онҳо ҳомии анъанаҳои қадимӣ, аз ҷумла ҳунари мураккаби қолинбофӣ ва нассоҷӣ, гулдӯзӣ, абрешимбофӣ, кандакорӣ дар чӯб, коркарди филизот, сафолӣ, заргарӣ ва дигар ҳунарҳои мардумӣ мебошанд.

Гадоева Бибимо аъзои фаъоли ҳизб