Ҳифз намудани табиат ва тозаю озода нигоҳ доштани гирду атрофи ташкилотҳо, муассисаҳо ва коргоҳҳо ба худи инсон вобастагии комил дошта, қарзи ҳамешагии шаҳрвандӣ ба ҳисоб меравад.

Бо мақсади татбиқи нақша чорабиниҳо оид ба иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон доир ба бунёди гулгашту хиёбонҳои нав баён доштанд, ки бо ташкили маъракаҳои ҳашар-шанбегӣ ташкил намуда, дар анҷом додани корҳои созандагӣ, ободкорӣ ва сарсабзу хуррам гардонидании ҳар як гӯшаву атрофи сарзаминамон саҳмгузор бошед.

Ба ҳамин хотир аъзоёну ҷонибдорони ҳизбӣ дар ҷамоату шаҳракҳои ҳудуди ноҳия бо мақсади сазовор ҷашн гирифтани 35- солагии Истиқлолияти давлатии Ҷумҳурии Тоҷикистон бо мақсади шинонидани гулҳои мавсимӣ заминҳои назди биноҳои истиқоматии худро канда нарм намуда, симои кучаҳову маҳали зисти худро боз ҳам зебову назаррабо мегардонанд.

Бояд қайд намуд, ки аъзоёни ташкилоти ибтидоии мазкур бо як рӯҳияи баланди ватандӯстӣ ва бо мақсади ба тартиб даровардани дарахтони сояафкану ҳамешасабз, тозаву озода намудани  гузаргоҳҳо ва гирду атроф, гулу буттаҳо ва нарм намудани заминҳову канори дарахтон дастаҷамъона заҳмат кашида, баҳри зебою хуррамгардонии маҳали зисташон ва боз ҳам зеботар намудани бинои коргоҳи худ пайваста саҳми арзанда мегузоранд.