Бо мақсади амалӣ намудани ҳадафҳои Ҳизби Халқии Демократии Тоҷикистон ва дар ҳошияи аксияи ҳизбии “Якҷоя месозем” кормандони Кумитаи иҷроияи ҲХДТ дар ноҳияи Кӯшонинён бо мақсади азнавсозии иншоотҳои гигиенӣ дар манзилҳои истиқоматӣ, муассисаҳои таълимӣ, корхонаву коргоҳҳо ҳамарӯза миёни аҳолии ноҳия корҳои тарғиботиву ташвиқоти баргузор менамоянд.

Боиси хурсандиовараст, ки ин ташаббуси пешниҳод намудаи ҳизбиро, ки вобаста ба сохтани иншооти гигенӣ бо усули дренажӣ мебошад кормандони Кумитаи иҷроияи ҲХДТ дар ноҳияи Кӯшониён дастгирӣ намуда, дар назди бинои  Кумита корҳои сохтмони иншооти гигиенӣ бо усули дренажӣ ва бо ҷойҳои дастшӯйро ҳусни оғоз бахшиданд.

Бояд кайд намуд, ки гигиенаи шахсӣ ин маҷмӯи қоидаҳои беҳдошт мебошад, ки иҷрои онҳо баҳри саломатии инсон мусоидат мекунад. Гигиенаи шахсӣ чунин қоидаҳои умумиро дар бар мегирад: кори ҷисмонӣ, истеъмоли хӯроки хушсифат, меҳнату истироҳат, хоби бофароғат ва ғайра. Ба гигиенаи шахсӣ покизагии бадан, курпаву болин, сару либос, тозагии манзил ва риояи мунтазами он ва тозагии иншоотҳои гигиенӣ дохил мешавад. Яъне, тозагӣ шарти асосист. Бо риояи қоидаҳои гигиенаи шахсӣ худ ва наздиконро метавон аз бемориҳои сироятӣ ҳифз намуд.