Бо мақсади корҳои созандагиву ободонӣ дар ноҳияи Кӯшониён ин амали некхоҳона то ба ҳол идома дорад. Вобаста ба меъёрҳои муосир мутобиқ намудани ҳолати роҳҳо, мумфаршкунӣ воқеъ дар деҳаи Садриддин Айнии ҷамоати деҳоти Навбаҳор тариқи ҳашари дастаҷамъона роҳи дохили деҳа, ки дар фасли зимистону баҳор мушкилиҳои зиёдеро ба бор меовард дар масофаи 8 километр мумфарш карда шуда истодааст.

Лозим ба ёдоварист, ки заҳмати бевоситаи сокинони деҳаи мазкур дар ободу зебо гардонидани маҳалли зисташон назарас буда, имрӯзҳо ҳар як сокини кишварро зарур аст, ки дар корҳои созандагии маҳалли худ, махсусан аз хонаи худ сар карда то ба ҷойҳои ҷамъиятӣ саҳмгузор бошанд.

Ин амали созандагиву бунёдкорӣ ва таъмиру азнавсозии роҳҳои деҳаву маҳаллаҳо бо ҷалби соҳибкорон ва шахсони саховатпешаи ноҳия ҷиҳати дар амал татбиқ намудани дастур ва ҳидоятҳои Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон дар ҷараён аст.