Дар асоси Аксияи ҳизбӣ таҳти унвони “Якҷоя месозем!” Кумитаи иҷроияи Ҳизби Халқии Демократии Тоҷикистон дар ноҳияи Кӯшониён ва бо ҷалби соҳибкорону сокинони деҳаи Дилбари ҷамоати деҳоти Меҳнатобод ва масъулини ташкилоти ибтидоии ҳизбии “Меҳнатобод” корҳои таъмиру барқарорсозии роҳи ташкилоти ибтидоии “Меҳнатобод”-ро, тариқи ҳашари дастаҷаъмона дар масофаи зиёда аз 1.5 километр сангфарш  намуданд.

Лозим ба ёдоварист, ки роҳи ташкилоти ибтидоии ҳизбии деҳаи Дилбари ҷамоати деҳоти Меҳнатобод якчанд роҳи деҳаҳои дигарро ба ҳам пайваст намуда, заҳмату дастгирии бевоситаи соҳибкорон ва сокинони деҳаи мазкур дар ободу зебо гардонидани маҳалли зисташон саҳми назарас доранд.

Ин аст, ки мо ба масъалаи бунёди роҳҳои нав ва таъмиру таҷдиди роҳҳои мавҷуда таваҷҷуҳи хоса ва доимӣ зоҳир менамоем. Ин амали созандагиву бунёдкории сокинони деҳаи Дилбар боиси хушҳолии хурду калон гардида, намунаи ибрати дигарон хоҳад шуд.

Боиси қайд аст, ки чунин ободкориҳову созандагиҳо боиси он мегардад, ки дар даврони Истиқлолияти давлатӣ ҳазорҳо километр роҳҳои мошингард азнавсозӣ ва таъмиру тармим ва даҳҳо километр нақбҳои мошингузар ва садҳо пул бунёд гардида, имрӯз мушкилоти рафтуомади сокинону меҳмонони кишвар ва ҳамлу нақли молу маҳсулотро аз як минтақа ба минтақаи дигари мамлакат бамаротиб осон гардонад.