Дар асоси дастуру ҳидоятҳои Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон ва тибқи нақшаи Мақомоти иҷроияи ҳокимияти давлатии ноҳия бо мақсади беҳтар намудани ҳолати мелиоративии заминҳои корам ва наздиҳавлигии сокинони ноҳия ва баланд бардоштани ҳосилнокии замин раиси ташкилоти ибтидоии “Истиқлол” дар ҳудуди деҳаи Истиқлоли Ҷамоати деҳоти Иттифоқи ноҳия вазъи саробу тоза намудани заҳбур ва заҳкашҳоро аз наздик дидан намуда, дар ин самт як қатор корҳоро ба анҷом расониданд.
Кишоварзони ташкилоти ибтидоии “Истиқлол”, ки дар таъмини бозори истеъмолии ноҳия ва вилоят бо маҳсулоти кишоварзи нақши муҳим доранд. Дар баробари риояи қоидаҳои агротехникии кишту зироатҳо, инчунин ба беҳдошти ҳолати мелиоративии заминҳои корам таваҷҷуҳӣ хоса зоҳир менамоянд.
Тоза кардани заҳбуру заҳкашҳо ва ба гардиши кишоварзи даровардани қитъаҳои бекор хобида аз масоили ҳалталаб дар ташкилоти ибтидории “Истиқлол”-и Ҷамоати деҳоти Иттифоқ маҳсуб меёбад, ки имсол ҷиҳати бартараф намудани он бо ташаббуси раиси ташкилоти ибтидоӣ Ҳақназаров Аҳмадулло ва саҳми мардуми маҳал иқдомҳои ҷиддӣ пеш гирифта шудааст.
Заҳбуру заҳкашҳое, ки чанд соли охир тоза нагардидабуданд бо истифода аз техникаҳои муосири соҳа канда шудаистодаанд.
Ба андешаи мутахассисони соҳа дар сурати риояи қоидаҳои агротехникӣ ва барқарор намудани ҳолатҳои мелиоративии заминҳои корам, имкон фароҳам мегардад, ки ҳаҷми истеҳсоли маҳсулоти кишт намуда дучанд афзуда таъмини амнияти озуқавории мамлакат саҳми бештар гузошт.
Айни замон ҷиҳати тоза намудани заҳбур ва ба ҳолати обёрӣ омода намудани заминҳои корам техника дар ҳолати омодабош қарор дошта заҳбуру заҳкашҳоро тоза намуда истодаанд.
