Бо мақсади дар амал намудани дастуру ҳидоятҳои Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҷиҳати самаранок истифодаи заминҳои наздиҳавлигӣ ва гирифтани ҳосили зиёд имрӯзҳо сокинони ноҳияи Ҷайҳун ҳар як ваҷаб замини наздиҳавлигиро самараноку оқилона истифода менамоянд.
Аз он ҷумла, аз ҷониби заҳматкашони Ҷамоати деҳоти Ваҳдати миллӣ заминҳои назди ҳавлигӣ оқилона истифода гардида, алакай дар гармхонаҳо ба парвариши помидору булғории барвахтӣ машғул мебошанд, ки нашъу намои хуб доранд.
Меҳнати софдилона дар замин ба хонадони ҳар як шахс файзу баракат оварда, бо ба даст овардани ҳосили фаровон аз замин сатҳи некӯаҳволӣ баланд мегардад. Агар дар замин меҳнати софдилона карда шавад аз он самараи хуб гирифта мумкин аст. Бо ин мақсад сокинони ноҳияи Ҷайҳун дар асоси супоришу ҳидоятҳои Сарвари давлат, муҳтарам Эмомалӣ Раҳмон барои рӯёнидани ҳосили фаровон талош намуда, баҳри пур кардани дастархони худ ва сокинони кишвар саҳми муносиб мегузоранд ва ҳамзамон бо ин восита дар муътадил нигоҳ доштани нархи бозор саҳми худро мегузоранд.
