Бо иштироки муовини Раиси Кумитаи иҷроияи Ҳизби Халқии Демократии Тоҷикистон дар ноҳияи Ҳамадонӣ Шарипов Раҳимҷон ҷиҳати дар амал татбиқ намудани ҳадафҳои олии Ҳизби Халқии Демократии Тоҷикистон бо хонандагони муассисаи таълимии миёни умумии №49 Соати сиёсӣ баргузор гардид. Мавсуф зимни вохурӣ бо хонандагон қайд намуд, ки  имрӯз ҷавонони моро зарур аст, ки дар баробари дониш омӯхтан боз ҳушёрию зиракии сиёсиро аз даст надода, бояд ҳамеша аз равандҳои сиёсии дохиливу хориҷии кишвар ва ҷаҳон бохабар бошанд ва моҳияти рȳйдоду воқеаҳоро дуруст таҳлил карда тавонанд. 

    Бо мақсади такмили фаъолияти ҳизбӣ дар муасиссаи болозикр корҳои фаҳмондадиҳӣ сурат гирифт. Тавре, ки ба мову Шумо маълум аст дар Паёми имсолаашон Пешвои миллат ҷавононро ояндаи давлату миллат ва қувваи пешбарандаи ҷомеа, захираи стратегии давлату Ҳукумати мамлакат номиданд. 

 Мо бо ҷавонони бонангу номуси худ ифтихор мекунем ва барои ҳалли масъалаҳои минбаъд низ тамоми чораҳоро амалӣ мегардонем. Итминони комил дорем, ки ҷавонони мо дар дигаргунсозиҳои ҷомеаи навин боз ҳам фаъолона иштирок карда, дар муаррифии давлати миллӣ, ҳифзи арзишҳои Истиқлолият ва рушди Тоҷикистони азиз беш аз пеш саҳм мегузоранд-иброз доштанд дар Паёми навбатиашон Пешвои миллат ба Маҷлиси Олии мамлакат, қайд намуд, зимни маърӯзаи хеш Раҳимҷон Шарипов.

Шуъбаи иттилоот ва таблиғот